آئ سی سی ورلڈ کپ سے قبل پاکستان وومنز ٹیم ٹریننگ کیمپ کے لئے تیار
لاہور: 9 اپریل 2025سے جاری ہونے والے ICC Women’s World Cup میں شمولیت کے لئے پاکستان وومن کرکٹ ٹیم لاہور میں 10 روزہ ٹریننگ کیمپ کے لیے بالکل تیار ہے۔ 20 مارچ سے شروع ہونے والی اہم تیاری کے دورانیے کا مقصد کھلاڑیوں کی صلاحیتوں کو نکھارنا، فٹنس کی معیار کو بہتر بنانا، اور ٹورنامنٹ میں مسابقتی فائدہ حاصل کرنے کے لیے کھیل کی حکمت عملیوں کو سمجھنا ہو گا۔
بہترین کارکردگی کے لئے کرکٹ ٹریننگ کیمپ کا آغاز
پاکستان کرکٹ بورڈ (پی سی بی) نے اسکواڈ کے تمام ارکان سے کہا ہے کہ ٹیم کیمپ کے باقاعدہ آغاز سے قبل ہوٹل میں رپورٹ کرے گی۔ ہیڈ کوچ محمد وسیم کی قیادت میں تربیتی سیشنز بیٹنگ، باؤلنگ، فیلڈنگ اور فٹنس پر مرکوز ہوں گے۔
پی سی بی کے ایک عہدیدار کا بھی یہی کہنا ہے کہ اس خصوصی ٹریننگ کیمپ کا مقصد کھلاڑیوں کو فٹنس، فیلڈنگ، باؤلنگ اور بیٹنگ سمیت اپنی مہارتوں کو بہتر بنانا ہے۔
شرکاء کو میچ جیسا ماحول فراہم کرنے کا مقصد کھلاڑیوں کو اصل میچ سے پہلے اپنی حکمت عملیوں کی مشق کروانا ہے۔ کیمپ کے دوران پریکٹس میچز بھی کروائے جائیں گے۔
کلیدی کھلاڑیوں اور سکواڈ کے انتخاب کے لئے خواتین کی قومی سلیکشن کمیٹی نے فیصل آباد میں منعقدہ پہلے راؤنڈ میں حصہ لینے والے تینتیس میں سے انیس کھلاڑیوں کو تربیتی کیمپ کے لیے منتخب کر لیا ہے۔ اگرچہ طوبیٰ حسن انگلی میں فریکچر کی وجہ سے کیمپ میں شامل نہ ہو سکیں مگر ایک اچھی یہ ہے کہ آل راؤنڈر ندا ڈار ٹیم میں شامل کر لیا گیا ہے ۔
لاہور کیمپ کے لیے درج ذیل کھلاڑیوں کا انتخاب کیا گیا ہے
بلے باز اور آل راؤنڈر: عالیہ ریاض، نتالیہ پرویز، ندا ڈار، عمیمہ سہیل، رامین شمیم، شوال ذوالفقار، سدرہ امین
باؤلرز: ڈیانا بیگ، فاطمہ ثناء، غلام فاطمہ، نشرہ سندھو، سعدیہ اقبال، سیدہ عروب شاہ، تسمیہ رباب، ام ہانی
وکٹ کیپر: منیبہ علی، نجیہہ علوی، سدرہ نواز، گل فیروزہ
آئی سی سی وومنز ورلڈ کپ 2025 کا مختصر جائزہ
وومن ولڈ کپ کے چھٹے ایڈیشن کے کوالیفائرز میں پاکستان، بنگلہ دیش، ویسٹ انڈیز اور آئرلینڈ چار مکمل ممبران طور پر شامل ہیں۔ جبکہ اسکاٹ لینڈ اور تھائی لینڈ ایسوسی ایٹ فریق کے طور پر شامل ہوں گے۔
میزبان کے طور پر لاہور شہر کا انتخاب کیا گیا ہے، جہاں قذافی اسٹیڈیم اور لاہور کرکٹ کلب ایسوسی ایشن (LCCA) کا گراؤنڈ 15 میچوں کی میزبانی کرے گا۔ ٹورنامنٹ کا آغاز 9 اپریل کو قذافی اسٹیڈیم میں پاکستان کا پہلا میچ آئرلینڈ سے ہوگا اور LCCA گراؤنڈ میں ویسٹ انڈیز اسکاٹ لینڈ سے کھیلے گا۔
لیگ کے اختتام پر ٹاپ ٹو ٹیمیں آئی سی سی ویمنز ورلڈ کپ 2025 میں جگہ بنائیں گی، اس کے علاوہ پہلے سے اہل ممالک آسٹریلیا، انگلینڈ، نیوزی لینڈ، جنوبی افریقہ، سری لنکا اور بھارت شامل ہیں۔
آئی سی سی وومنز ورلڈ کپ 2025 کوالیفائرز کا شیڈول:
9 اپریل: پاکستان بمقابلہ آئرلینڈ | سکاٹ لینڈ بمقابلہ ویسٹ انڈیز
10 اپریل: بنگلہ دیش بمقابلہ تھائی لینڈ
11 اپریل: پاکستان بمقابلہ سکاٹ لینڈ | آئرلینڈ بمقابلہ ویسٹ انڈیز
13 اپریل: بنگلہ دیش بمقابلہ آئرلینڈ | سکاٹ لینڈ بمقابلہ تھائی لینڈ
14 اپریل: پاکستان بمقابلہ ویسٹ انڈیز
15 اپریل: بنگلہ دیش بمقابلہ سکاٹ لینڈ | آئرلینڈ بمقابلہ تھائی لینڈ
17 اپریل: پاکستان بمقابلہ تھائی لینڈ | بنگلہ دیش بمقابلہ ویسٹ انڈیز
18 اپریل: آئرلینڈ بمقابلہ سکاٹ لینڈ
19 اپریل: پاکستان بمقابلہ بنگلہ دیش | تھائی لینڈ بمقابلہ ویسٹ انڈیز
یہ بھی پڑھیں:
پاکستان وومن کرکٹ ٹیم کے لئے ایک سنہری موقع
آئی سی سی ویمنز ورلڈ کپ کوالیفائرز کے لیے انتظار شروع ہو گیا ہے۔ جب کہ تربیتی کیمپ بھرپور انداز میں جاری ہے۔ اب پاکستان وومن کرکٹ ٹیم کے پاس ٹورنامنٹ سے قبل اپنی صلاحیتوں کو مضبوط کرنے، اپنی حکمت عملیوں کو ہم آہنگ کرنے اور اعتماد حاصل کرنے کا سنہری موقع ہے۔ ملک بھر میں شائقین پر امید ہیں کہ پاکستان کی وومن کرکٹ ٹیم ICC وومنز کرکٹ ورلڈ کپ 2025 کے لیے کوالیفائی کرے گی۔
