262

عید الفطر آمد۔صوبائی دارلحکومت پشاور میں زائد کرایہ لینے والے ٹرانسپورٹروں کے خلاف کریک ڈاؤن سواریوں سے زائد کرایہ وصول کرنے پر 121 ڈرائیوروں کو جرمانہ۔ سواریوں کو زائد کرایہ واپس کر دیا گیا

عید الفطر آمد۔صوبائی دارلحکومت پشاور میں زائد کرایہ لینے والے ٹرانسپورٹروں کے خلاف میگا کریک ڈاؤن۔ پشاور کے خارجی راستوں اور اڈوں میں 2000 سے زائد ٹرانسپورٹ گاڑیوں کا معائنہ۔ سواریوں سے زائد کرایہ وصول کرنے پر 121 ڈرائیوروں کو جرمانہ۔ سواریوں کو زائد کرایہ واپس کر دیا گیا۔ڈپٹی کمشنر پشاور شفیع اللہ خان

صوبائی دارلحکومت پشاور ضلعی انتظامیہ نے محکمہ ریجنل ٹرانسپورٹ اتھارٹی اور ٹریفک پولیس کے ہمراہ پشاور کے خارجی راستوں اور اڈوں میں ٹرانسپورٹ گاڑیوں کا معائنہ کرتے ہوئے مقرر شدہ کرایہ سے زائد وصول کرنے پر بیشتر ڈرائیوروں کو جرمانہ کرتے ہوئے سواریوں کو زائد وصول شدہ کرایہ واپس کر دیا۔ ڈپٹی کمشنر پشاور شفیع اللہ خان کی ہدایت پر انتظامی افسران نے محکمہ ریجنل ٹرانسپورٹ اتھارٹی اور ٹریفک پولیس کے ہمراہ کوہاٹ اڈہ، کوہاٹ روڈ، چارسدہ اڈہ، چارسدہ روڈ، کارخانو اڈہ، لاہور اڈہ، جنرل بس سٹینڈ اور دیگر خارجی راستوں پر ٹرانسپورٹ گاڑیوں کا معائنہ کیا۔ کارروائیوں کے دوران پشاور کے مختلف علاقوں میں مجموعی طور پر 2000 سے زائد گاڑیوں کا معائنہ کیا گیا جس میں سے121 ڈرائیوروں کو سواریوں سے زائد کرایہ لینے پر موقع پرجرمانہ کرتے ہوئے زائد وصول شدہ کرایہ واپس کر دیا گیا۔ اس موقع پر سواریوں نے خوشی کا اظہار کرتے ہوئے افسران کا شکریہ ادا کیا۔
ڈپٹی کمشنر پشاور شفیع اللہ خان کے مطابق پشاور کے تمام خارجی راستوں اور ٹرانسپورٹ اڈوں میں ضلعی انتظامیہ، ریجنل ٹرانسپورٹ اتھارٹی اور ٹریفک پولیس اہلکاروں کی ڈیوٹیاں لگا دی گئی ہیں جو کہ مسلسل گاڑیوں کا معائنہ کریں گے اور زائد کرایہ وصول کرنے والے ڈرائیوروں کے خلاف قانونی کارروائی عمل میں لائی جائے گی۔اس ضمن میں ڈپٹی کمشنر آفس میں کنٹرول روم قائم کر دیا گیا ہے جو کہ 24/7 فعال رہے گا اور عوام زائد کرایہ لینے والے ڈرائیوروں کے خلاف کنٹرول روم کے نمبر 0919211338 پر رابطہ کر سکتے ہیں۔ عوامی شکایت پر فوری کارروائی عمل میں لائی جائے گی۔

Media Cell, Deputy Commissioner Office Peshawar

اس خبر پر اپنی رائے کا اظہار کریں

اپنا تبصرہ بھیجیں