394

سعودی عرب میں 9ججز کو گرفتار کیا گیا ہے ان میں سے تین ججز انسداد دہشت گردی کی عدالت سے ہیں

اسلام آباد (مانیٹرنگ ڈیسک )سعودی عرب میں کئی نامور ججز کو سنگین غداری کے الزام میں گرفتار کر لیا گیا ۔ مڈل ایسٹ آئی ڈاٹ نیٹ کے مطابق انسانی حقوق کے گروپوں نے کہا ہے کہ سعودی عرب میں 9ججز کو گرفتار کیا گیا ہے
ان میں سے تین ججز انسداد دہشت گردی کی عدالت سے ہیں ، تین کا تعلق ایپلیٹ کورٹ جبکہ باقی تین کا ہائی کورٹ کے ججز ہیں ۔ ذرائع نے ڈیموکریسی فار دی عرب ورلڈ نو (ڈان)سے بات چیت کے دوران کہا ہے کہ ان تمام ججز کو لوگوں کے سامنے گرفتار کیا گیا ہے ۔ ان میں شامل ایک جج خالد الیہدان نے خواتین کے حقوق کی کارکن لوجین الحثلول کو قید کرنے کا حکم دیا تھا۔ انسانی حقوق کے کارکنان کا کہنا تھا کہ ان میں ایک ایسا جج بھی شامل ہے جس نے رواں سال مارچ میں 81قیدیوں کو سزائے موت سنائی تھی جس پر بین الاقوامی سطح پر احتجاج کیا گیا ۔ عبدالعزیز الجبر نے ایک بچے کو بھی سزائے موت سنائی تھی۔ مزید بتایا گیا ہے کہ گرفتار ججز میں اکثریت کو سعودی ولی عہد محمد بن سلمان کے حامی سمجھا جاتا تھا ۔

اس خبر پر اپنی رائے کا اظہار کریں

اپنا تبصرہ بھیجیں