202

الیکشن کمیشن نے آئندہ عام انتخابات کی تیاری شروع کردی۔ذرائع کے مطابق الیکشن کمیشن اکتوبر کے اختتام یا نومبرکے آغاز میں عام انتخابات کرانے کے لئے تیار ہے

الیکشن کمیشن نےنومبر میں عام انتخابات کی تیاری شروع کردی
22 مئی ، 2022

اسلام آباد(آئی این پی)الیکشن کمیشن نے آئندہ عام انتخابات کی تیاری شروع کردی۔ذرائع کے مطابق الیکشن کمیشن اکتوبر کے اختتام یا نومبرکے آغاز میں عام انتخابات کرانے کے لئے تیار ہے جس کے لئے 2017کی مردم شماری کے مطابق ملک بھر میں حلقہ بندیاں کی جا رہی ہیں اور حلقہ بندی کمیٹیاں ابتدائی حلقہ بندیوں کو 24مئی تک مکمل کرلیں گی، 28مئی کو ابتدائی حلقہ بندیوں کی اشاعت کردی جائے گی، ابتدائی حلقہ بندیوں پر اعتراضات 29 مئی سے 28 جون تک جمع کرائے جا سکتے ہیں جب کہ 3اگست کو ملک بھر میں حلقہ بندیوں کے کام کی تکمیل اور حتمی اشاعت ہو گی۔ الیکشن کمیشن نے غیر حتمی انتخابی فہرستوں کی اشاعت کے لئے ڈسپلے سینٹرقائم کردیئے ہیں جو 21مئی سے لے کر 19 مئی تک کھلے رہیں گے۔ذرائع کے مطابق نئی مردم شماری ہونے پر الیکشن کمیشن 2023کے اکتوبر، نومبر میں عام انتخابات کراسکے گا جس سلسلے میں الیکشن کمیشن نے ساتویں مردم شماری کا حتمی نتیجے سے متعلق ادارہ شماریات کومراسلہ بھیج دیا ہے۔

اس خبر پر اپنی رائے کا اظہار کریں

اپنا تبصرہ بھیجیں